Select Menu

Slider

يتم التشغيل بواسطة Blogger.

Travel

Performance

Cute

My Place

Slider

Racing

Videos

» » كلمتي في ندوة حزب الغد
«
Next
رسالة أحدث
»
Previous
رسالة أقدم

كان مفروض ألقي كلمة الليلة 8/7/2009 في الندوة اللي عقدها حزب الغد لمناقشة قضية بيع الغاز لإسرائيل بثمن بخس والتفريط في ثروة مصر القومية ولكن لم يتسع وقت الندوة لسماع كلمات كل الحاضرين وهذا نص كلمتي
.....
مش هقدر أعبر لحضراتكم عن مدى سعادتي برؤية هذا الجمع الكبير من الشرفاء المهتمين بمصلحة بلدنا مصر، الحقيقة يا أساتذتي الأفاضل إللي إنتم عارفينها أكتر مني، الحقيقة مش مشكلتنا هي تصدير الغاز لإسرائيل بسعر بخس ولا هي بيع الغاز لنا داخل مصر بسعر يماثل خمس او ست أو سبع أضعاف السعر اللي بتشتري بيه إسرائيل، طبعاً واضح جداً قد إيه المعادلة إختلت في مصر، واضح لينا كلنا قد إيه الوضع السياسي والإجتماعي في مصر بقا أشبه بصالة كبيرة في مستشفى المجانين،.. وبالتأكيد حضراتكم عارفين كويس أكتر مني فين بيت الداء وعارفين كمان إيه هو الدواء
حضراتكم عارفين أكتر مني إن مش مشكلتنا صفقة الغاز المشبوهة، حضراتكم عارفين اكتر مني إن مشكلتنا هي النظام اللي نفذ صفقة الغاز المشبوهة
وبالتأكيد تعرفوا أكتر مني إنه حان الوقت إننا نتحد كلنا في جبهة واحدة للتخلص من هذا النظام، كلنا عارفين إن مفيش اي أمل للنهوض من عثرتنا دي ولا للتخلص من أزماتنا الحالية اللي أهمها الفساد السياسي والإقتصادي والفقر والجهل الإجتماعي وتزوير الإنتخابات والتضييق على المعارضة ومنعها من ممارسة نشاطها الطبيعي بين الناس وباقي قايمة الأزمات اللي كلنا عارفينها وعارفين إن مفيش قدامنا اي أمل إلا لو توحدنا كلنا على قلب رجل واحد ووقفنا في وجه هذه العصابة القذرة من المنتفعين والمتسلقين والمنافقين ومن شافطي وناهبي ثروات مصر، مفيش قدامنا أي أمل إلا لو تركنا خلافاتنا جانباً وتركنا معاها كل أيدولوجياتنا وكل روءانا السياسية، ولتكن أيدولوجيتنا الموحدة هي الإطاحة بالعصابة ولتكن رؤيتنا السياسية الأولى والأخيرة هي التوحد خلف شخص واحد وخلف جبهة مصرية واحدة مكونة من كل التيارات والقوى السياسية والشعبية، وبصفتي مواطن من مواطني شعب مصر، وبصفتي واحد من ملايين المهمومين بمستقبل مصر، وبصفتي أكن الإحترام والتقدير لكل قيادات المعارضة المصرية، فإسمحولي أعرض عليكم مسودة مشروع وثيقة إستقلال شعب مصر، وهي مستوحاة من وثيقة الإستقلال الأمريكية ومن وثيقة حقوق الإنسان والمواطن اللي أعلنتها الثورة الفرنسية، عايز أقول لحضراتكم إنه على الرغم من إن فكرة وثيقة الإستقلال المصرية مستوحاة من نصوص أجنبية إلا إن مضمون الوثيقة يختلف تماماً عن مضامين الوثائق الأصلية وده يؤكد لحضراتكم أصالتها وإستقلاليتها حتى على مستوى الأفكار المطروحة، وهتلاحظو معايا إنها مش مجرد وثيقة إستقلال لمصر بل هي أيضاً وثيقة إستقلال مستقلة عن كل الأفكار الحزبية والطائفية وهدفها الأسمى هو إنشاء دولة عصرية متحضرة مبنية على المساواة والعدالة والحرية، والآن إستأذن حضراتكم في قراءة نص الوثيقة
حسام عامر
.....
غداً إن شاء الله أنشر الوثيقة

About حسام عامر

إسمي حسام السعيد محمد عامر كاتب ومفكر ثوري حر ويمكنك التعرف اكتر علي من هنا
«
Next
رسالة أحدث
»
Previous
رسالة أقدم

ليست هناك تعليقات

Leave a Reply