اخوات كاميليا راحو فين !!!! ؟؟؟؟ مليون علامة تعجب واستفهام
فاكرين ايام الثورة ما كانت على اشدها ضد فلول مبارك بعد تنحي مبارك الوهمي. ايوه الوهمي ماهو لسه بيحكم عن طريق صبيه السيسي
فاكرين لما كان شباب مصر بيتظاهر ويعتصم للمطالبة برحيل طنطاوي وعنان والمجلس العسكري وبيطالبو النخب السياسية ومنهم الاخوان والسلفيين بتشكيل مجلس رئاسة مدني مؤقت يشارك فيه الجميع ويكتبوا دستور مؤقت لحين اجراء انتخابات شعبية ثورية
طلع ايامها شوية خونة وكلاب لأمن الدولة وحشدوا كل عبيط أهبل مغيب العقل وعملو مظاهرات حاشدة امام الكاتدرائية بالعباسية مطالبين بإطلاق سراح كاميليا شحاتة اللي اعلنت اسلامها واختفت في ظروف غامضة بعد ما امن دولة مبارك سلموها لقساوسة الكنيسة الارثوزكسية للتحفظ عليها بمعرفتهم او بمعنى اصح حبسها في احد الاديرة مدى الحياة. مش دي قصتنا. قصتنا هي اننا كنا بنواجه نظام قمعي فاشي معادي للشعب كله. وعشان النظام يعيش لازم يشتت الشعب في قضايا فرعية. وده بيتم ازاي يا العقول منك له لها. بيتم طبعا بتكليف كل العملاء السريين لأمن الدولة بتضليل قطاع من الشعب ودفعه للتظاهر للمطالبة بقضية فرعية. وبكده يتم تحطيم الاجماع الشعبي باسقاط نظام مبارك بأكمله كما يطالب العقلاء.وبالتشرذم وتشتت الناس خلف مطالب فرعية ينجوا نظام مبارك من غضب الشعب
................................................................
طبعا كلكوا فاكرين مظاهرات المعلمين الفئوية ومظاهرات العمال برضة الفئوية أهي زيها زي مظاهرات عايز اختي بالزبط. بدل لشعب ما يركز على هدم النظام يقومو يشتتو غضب الشعب وبكده يعملوا بلبلة بين الناس وميبقاش فيه اجماع على اسقاط النظام وكله بالتضليل يا معلم
مظاهرات عايز اختي حركها مخبرين امن دولة بدقون واستمرت لبعض الوقت وحين استنفذت الغرض منها تم اصدار الاوامر للمخبرين بالعودة للجحور
استغلو الحمية الدينية الكدابة اللي بتشكل اهم مكون من مكونات الشخصية المصرية العبيطة الجاهلة
ايون عبيطة جاهلة تحب اديك امثلة على جهلها وتعصبها الاعمى والانسياق وراء العاطفة دون اعمال العقل اللي بيعتبره الشعب زينة بس للاسف هو بالنسبة لشعب مصر عقل زينة بس شايلينه في باترينة ومبيستخدموش عقولهم عالاطلاق
اي جربوع يدخل مسجد او كنيسة يقدر يخرج معاه الالاف باي اشاعة مغرضة ويوجهه الالاف دول ناحية الفصيل الآخر يعني مسلم يسخن المسلمين عالاقباط بكذبة وايضا قبطي يسخن الاقباط عالمسلمين بكذبة وتبقا فتنة ملهاش حد وتسيل دماء ابرياء كتير نتيجة جهل وحماقة ورعونة شعب في مجمله تقدر تقول عليه معندوش عقل وعصاية تفرقه ونعيق غراب يجمعه
ايام الثورة مخبرين امن الدولة او مشايخ السلفية الوسخين وهم اغلبية للاسف هؤلاء الخونة سخنوا الشعب الجاهل وساقوه كالاغنام لمحاصرة الكنيسة وقال ايه عايز اختي
بدل ما يهدموا منظومة مبارك طالعين يعلنو حربهم على اشقائهم في الوطن والهم سواء مسلم او قبطي هو هم واحد, كلهم غافلين مغفلين دون استثناء مسلمين واقباط مؤمنين وملاحدة واللي بيفهم في البلد دي طالع عين امه من غباء الشعب المصري
تعرف ان المسلم اللي معندوش عقل ضرره اشد من ضرر الاعداء
تعرف ان القبطي اللي معندوش عقل ضرره اشد من ضرر الاعداء
المفكر الشيخ محمد الغزالي رحمة الله عليه له قول مأثور في غاية الروعة بيقول فيه "إني أكره إيمان الاغبياء لأنه غباوة تحولت إلى إيمان، وأكره تقوى العجزة لأنه عجز تحول إلى تقوى" أظن كده اتضح ان ايمانك بغباوة ضرره اشد من نفعه وادينا خسرنا دماء كتير وفشلت جهود اكتر بذلناها لهدم منظومة مبارك اعداء مصر الألداء وكله بسبب الغباء المستحكم
عدو عاقل خير من صديق او جار او قريب او شيخ او قس او سياسي أحمق معتوه لا عقل له
وهنا يقفز سؤال مهم . ياترى الشعب المصري اتعلم من اخطاؤه ولا هيكررها تاني وتالت ورابع. ياترى الشعب هيستخدم مخه ولا بيكتفي بوجود العقل زينة في البترينة
الشواهد كلها بتقول اني بنفخ في قربة مخرومة ولقد أسمعت اذ ناديت حيا لكن لا حياة في من تنادي, لله در قائل هذا البيت الرائع
أتعشم وأتمنى ان تكون كلماتي دافعا لكي تغضب من سوء تقديرك وان تتغير للاحسن وان كانت عباراتي بها قسوة فهي قسوة اخ يكره ان يرى اخيه يتردى في هاوية لا قرار لها وسيهلك نفسه بكامل ارادته فيقوم يسبه لعله يفيق من عتهه وبلاهته
ثوروا على انفسكم اولا وتعلموا من اخطائكم واعترفوا بها واصلحوها حتى تنجوا وتحرروا بلدكم من كل خائن وعميل يضلل الشعب كي يظل مستعبدا ومقموعا
التفكير السوي هو الحل
حسام السعيد عامر
كاتب ومفكر ثوري حر
كتبت في 31 اغسطس 2014م
ليست هناك تعليقات:
إرسال تعليق