Select Menu

Slider

يتم التشغيل بواسطة Blogger.

Travel

Performance

Cute

My Place

Slider

Racing

Videos

الحقيقة اللي يمكن تزعلك من نفسك أو مني انا

احنا مش بس عندنا شك في نوايا المجلس العسكري احنا متأكدين انهم بيخططوا لعدم تسليم الحكم او بناء دولة ديمقراطية جديدة
وحتى لو سلموا الحكم لحد هينقلبوا عليه بعد فترة قصيرة
نرجع لمحاولاتهم لتأجيل تسليم الحكم بالمماطلة في اجراء انتخابات حقيقية نزيهة وهيستخدموا الفتن الطائفية وهيستخدموا الدلاديل الجدد من الكتاب والسياسيين والقوى السياسية اللي هتبيع مصر وشعبها وثورتها بشوية وعود على شوية فتافيت من التورتة

فتافيت التورتة هتكون مقاعد مجلس الشعب معظمها للاخوان والسلفيين والوزارة هتكون برضه ائتلافية بين الاتنين بالتعاون مع كام ليبرالي ويساري انتهازي يبيعوا زمتهم بعضمة وفيلا في الساحل الشمالي ومعاهم بعض الفلول اللي هيعملوا مصالحة غادرة مع الاخوان وهينقلبوا عليهم بعد فترة وجيزة

الفتافيت ستكون نفس الفتافيت التي كان مبارك يعطيها لحكومته ولأعضاء حزبه وهي عبارة عن شوية تسهيلات على حتت اراضي على توظيف لأقارب الاسلاميين لكن سيظل العسكر هم المسيطرين

بالاضافة لما سبق هيستخدموا عمليات الالهاء الديني والقومي التي ستتلاعب بعواطف الشعب وتستغلها في قضايا وهمية على غرار مسيرة فلسطين

وهيستخدموا اسلوب المسكنات الاعلامية زي تجديد حبس مبارك ومراته في شيراتون شرم الشيخ وتحديد وجباتهم بستة آلاف جنية فقط في اليوم مع الاستمرار في نشر أكاذيب عن تدهور حالتهم الصحية والنفسية

وهيستمروا في دعم البلطجية لزعزعة الامن عشان الشعب يكره الثورة ويطلب ان الشرطة ترجع تاني وتحمي الناس انشالله ترجع تعذب الشعب تاني في الاقسام

وهيقمعوا البسطاء بالأحكام العسكرية الظالمة عشان يخلو الشعب يكره الثورة ويكفر بالسياسة ويتمنى ايام مبارك اللي ماكنش فيها احكام عسكرية غير للاسلاميين. وهيطلقو ايد الاخوان والسلفيين عشان يكرهوا الشعب في الاسلاميين عشان لما يجي عليهم الدور يتاكلو هيتكالو من غير ما تبكي عليهم عين

وهيستمروا في رفع أسعار معظم السلع خاصة الغذائية عشان يجوعوا الشعب تاني ويكرهوه في الثورة اللي اتسببت في زيادة الاسعار

وهيستمروا في إعادة تجنيد اعضاء اللجنة الالكترونية الذين يخلطون الاوراق ويضللون الشعب ويتهمون من يفضح المجلس العسكري بأنه عدو للجيش المصري

وفوق كل ده هيفتعلو ازمات تافهة ويسلطوا الضوء عليها اعلاميا لتضخيمها حتى يكره الناس الثورة ويعيدوا فلول مبارك للحكم
وهينقلبوا على الثورة ويقتلوا ويعتقلوا كل من يعترض بعد ما يكونوا سحبوا التأييد الشعبي معاهم باعلام اشبه بسحرة الفرعون

الجيش حاجة والمجلس حاجة تانية وبلاش تبقا مغفل عشان هتندم وهترجع تاكل على قفاك لحد ما يبربأ ولحد ما يبان لك صاحب وكله بالمحاكم العسكرية والشرطة العسكرية والمجلس العسكري
متبقوش اغبيا وشغلوا مخكوا ابوس ايديكوا عشان ننجح ثورتنا ومنلبسش في الحيطة
حسام عامر