انت اللي هتغني يا منعم - حسام السعيد عامر ~ مدونة شلوت مزدوج

والله لولا قول نبينا ان الدين النصيحة ما كنت كتبت حرف من الكلام ده للسلفيين والاخوان. الكلام ده أنا كاتبه مخصوص للأشخاص البسطاء المغيبين السائرين مغمضين خلف الرموز والشيوخ. اما الرموز والشيوخ فأنا متيقن انهم اغبياء تكلست عقولهم من زمان. بسبب عدم قدرتهم على التفكير الابداعي خارج الصندوق التراثي المحبوسين فيه. وانا بكلمة التراث لا اعني النصوص الثابتة المحفوظة في قلوبنا وعقولنا خاصة كتاب الله الكريم. لكن اعني التراث التاريخي والفقهي المتجمد فكريا

أبشع وسائل التعذيب في أمن الدولة في مصر

عزيزي مؤيد الاخوان والسلفيين أكيد انت اعتقلت قبل كده وعارف امن الدولة كانوا بيعاملوك ازاي. تعذيب وهتك عرض لك ولأهلك وسب لله ورسوله لإستفزازك وكسر ارداتك وثقتك في ربك.ووصل بيهم انهم يقولولك قول لا اله الا الله حسني مبارك رسول الله. وطبعا تحت التعذيب البعض ضعف ونطق بكلمة الكفر والبعض تنفيذا لأوامر الجلاوزة سب الله ليتخلص من العذاب

طبعا ربنا كبير وبيغفر. لكن من جواك انت فعلا اتزعزع ايمانك بالله واصبحت في الدنيا عايش ممزق بين ايمانك بالله وكراهيتك العميقة لأنه سابك تتكسر وتغتصب وتتعذب وتتذل زي الكلاب. مش هنتكلم كتير في النقطة دي لأنها بصراحة عايزة موضوع لوحده عشان اساعدك تستعيد نفسك

لكن النقطة الاهم هي. السؤال بقا

ليه معملوش كده في حسان ويعقوب والحويني وغيرهم من الدعاة؟. وليه معملوش كده في البلتاجي الكتاتني العريان الشاطر وغيرهم من قادة الاخوان؟.اكيد فيه سر

والسر ببساطة ان الدول العربية كلها بسبب انها اسلامية قبل ما تكون عربية وتم استهدافها من قرون طويلة

فاكر طرد المسلمين من اسبانيا. فاكر الحروب الصليبية. دي كانت بدايات خطة زرع عملاء لتخريب بلادنا. البداية يدخلو كام مستشرق يتظاهروا بالاسلام

وينجب اجيال بعده سقاها كراهية للاسلام ويربيها على هدم المجتمع وتخريبه بكل السبل

يمكنني ان اهدم المجتمع بإدعائي التقوى وحينما لن تستطيع ان تنتقدني لأنك تنتقد رجل متدين ورع. ويمكن ان اهدم البلاد بتخريبها فأرفع من المفسدين واقربهم واكافئهم واحارب كل مجتهد امين. لكن كي استطيع تخريب مجتمع لابد اولا ان اصل لسدة الحكم او لسدة النفوذ الديني والاعلامي والادبي الخ الخ

وهذا هين طالما هناك نقود تستطيع شراء منصب وسلطان ونفوذ

كانت البداية شوية يهود هربوا من بطش ايزابيلا وفريناند اللي سحقوا الحكم الاسلامي وطردوا المسلمين من اسبانيا. وكمان طردوا اليهود

هؤلاء اليهود دخلوا بلادنا. بعضهم ظل على يهوديته لأن العرب طيبين والى حد كبير اتعاطفوا مع اليهود الهربانين من محاكم تفتيش وتعذيب. اما الاغلبية من هؤلاء اليهود اتظاهروا بالاسلام. وقلة منهم اتظاهرت بإعتناق النصرانية في مصر والعراق وسوريا

طب هما ليه اتظاهروا بالنصرانية؟. عشان اذهلهم ان المسيحيين العرب متوافقين ومتلائمين مع المسلمين. الكلام ده طبعا من زمان اما دلوقتي فالحال مختلف

أهو شوية اليهود دول هما سبب كل البلاء اللي احنا فيه

هاتك يا مؤمرات. وهاتك يا تخريب

وفي الآخر وصلونا لانقلاب على فاروق اطلقوا عليه ثورة استخفافا بعقولنا. وجابولنا ناصر حبيب الملايين والسادت كبير العائلة وانتهينا لمبارك الخادم الوفي المطيع لأهله في اسرائيل. وأخيرا تنازل مبارك لصبيانه الماسونيين في المجلس العسكري

عزيزي الاخواني والسلفي. تفتكر ايه اللي يخلي الشرطة وامن الدولة والمخابرات ينصلح حالهم فجأة ويحبوك ويقولولك ـ"انت اللي هتغني يا منعم"ـ

انت اللي هتحكم مصر يا مؤمن

فكر شوية

بلاش تعيش زي الطُربش. ربنا ميزك عن الحيوان بالعقل.ليه بقا تسلم عقلك مبولة لدعاه وقادة ماسونيين مزروعين في المجتمع وبيتظاهروا قدامك بالتقوى وهما فيما بينهم ابعد الناس عن الله وعن الاسلام

مالاحظتش انهم بيكذبوا زي ما بيتنفسوا

الحاجة الوحيدة اللي يستحيل المؤمن يعملها هي الكذب والخيانة

مالاحظتش انهم بيخونوا

اهم حاجة بتميز المنافق هي الفجر في الخصومة

مالحظتش انهم بيفجروا في الخصومة مع الثوار والشعب والشباب الغير مسيس

فجأة ببساطة المسلم الليبرالي بقا كافر واليساري بقا كافر وبقينا بنقبض من اسرائيل عشان نهدم الجيش والدولة

جيش ايه ودولة ايه يا مغفل. كل اركان النظام المصري بينخر فيها سوس الماسونية والعمالة والفساد والاجرام والخيانة وغيرها من الموبقات. فقط اعمى البصيرة هو من لا يرى الحقيقة. نظام مبارك خلال ثلاثين عام قدر يدمر بنية مفاصل الدولة بداية من التعليم والاعلام والقضاء والشرطة والجيش وانتهاءً بالاجهزة الاستخباراتية كلها. امن دولة ومخابرات بانواعها الثلاثة

طب الرمز او الشيخ او الداعية الساكت عن قول كلمة الحق طوال ثلاثين عام ايام مبارك ايه اللي خلاه فجأة بقا طايح يمين وشمال يكفر ويخون في خلق الله

بالله عليك ده شغل دعاة وشيوخ. ولا شغل منافقين بيدعوا انهم حماة الاسلام

هما حماة الاسلام ينفروا الناس منه زي ما اتعمل في جمعة يأجوج ومأجوج

فاكر لما سحبوك زي الخروف وخدوك عالتحرير. مكان غريب عمرك ما روحته قبل كده

قالولك عايزين نحمي الاسلام

اللي حصل ان ربنا عماهم. لأن المجلس العسكري استفزهم بالكلام عن مواد حاكمة للدستور. ومن غبائهم شحنوك وودوك التحرير وانت جاهل بالمظاهرات وكل اللي تعرفه عن السياسة انك تطالب بالشريعة وبس. حتى انك رغم ان الاسلام دين النظافة لكنك تركت ورائك تلال من الزبالة دون ان تنظفها كما يفعل اي انسان سوي

مش دي مشكلتنا. المشكلة ان مظاهرتك وصلت رسالة لامريكا واوربا واسرائيل

اللي وصل للغرب واسرائيل ان مصر مينفعش فيها ديمقراطية. لأن المصريين متطرفين هيولعوا في اسرائيل ويعلنوا الجهاد على اوربا. انت قتلت الثورة بحجر اغبى من حجر الدبة اللي قتلت صاحبها

ودلوقتي لسه بيستغلوك

وبيقولولك احمي مصر من العدو

احمي المجلس العسكري ولي الامر

احميه من العدو

اللي هو احنا

اللي عايزين نهدم نظام مبارك

ونحط اساس دولة تاخد فيها حقوقك

وتحكمها لما تحترم قواعد الديمقراطية

عشان لما تفشل في ارضاء الشعب نسقطك ونجيب غيرك في الانتخابات

طولت عليك

بس لازم تعرف انك واقف مع الشيطان ضد اللي بيدافعو عن حقك وحق غيرك انه يكون حر وعنده كرامه في بلده. لو هتفضل لاغي عقلك هتندم يوم لا ينفع الندم. هتندم بعد ما يحققوا اغراضهم ويستعيدوا عافيتهم ويتمكنوا من السيطرة عالدولة من جديد بأي حجة واهية. وغالبا هتبقا بحجة يحموا الوطن من المتطرفين الارهابيين اللي هو انتم حسب زعم اعلامهم اللي يقدر يشوه صورتكم ويشينطكم في ثواني معدودة ولما يقلبوا عليك هتندم وساعتها مش هتلاقي مصري يقف معاك. هتندم لما تكتشف ان حتى السعودية اللي بتحبها وجاي الميدان رافع علمها لمجرد انه مكتوب عليه لا اله الا الله هي دولة رغم العلم الجميل لكنها بتحارب المسلمين وتعذبهم وبتنتهك اعراضهم بأمن الدولة بتاع السعودية.

صدقني هتندم وساعتها مفيش منظمة مدنية هتقف معاك لأنهم خلاص اكتشفوا انهم دافعوا عن انسان عدو لنفسه ولبني وطنه

اللهم اني قد بلغت ونصحت اللهم فإشهد

حسام السعيد عامر

مقالات أخرى تستحق القراءة

انت اللي هتغني يا منعم - حسام السعيد عامر

ليست هناك تعليقات:

إرسال تعليق

التسميات

أرشيف المدونة الإلكترونية

Recent Posts

سينما

مشاركة مميزة

من الذي اغتال الرئيس محمد انور السادات؟، هل نظرية المؤامرة حقيقة؟

Pages

الجزيرة نت

مدونة شلوت مزدوج

مواقع أتابعها