Select Menu

Slider

يتم التشغيل بواسطة Blogger.

Travel

Performance

Cute

My Place

Slider

Racing

Videos

جمال مبارك رئيس المجلس الاعلى للسياسات بالحزب الوطني رأس إجتماع المجلس الذي عقد يوم الإتنين 19 اكتوبر 2009 وقد اكد جمال خلال الإجتماع أن المؤتمر السنوي السادس للحزب الذي سيعقد آخر شهر أكتوبر الحالي سوف ينعقد بعد مرور 4 سنوات علي إطلاق البرنامج الانتخابي للرئيس مبارك وسيتم خلاله طرح ورقة بما تم إنجازه من البرنامج خلال هذه الفترة

والله ما تكلف خاطرك يا جيمي وتطرح ورقة الإنجازات دي، من غير ورق وحلفانات وأيمانات إحنا مصدقينك لأننا كلنا حاسين بإنجازات أبوك اللي مغرقانه في الخير واللي خلت مصر دول عظمى يشار لها بالأصبع الوسطى، وإنجازات أبوك رئيسنا المحبوب لا ينكرها الا ثمانين مليون جاحد بس، أينعم ان أسعار السلع الغذائية تضاعف سعرها خلال الأربعة سنوات إنجازات بس برضه لازم نعترف إن حاجات تانية رخصت جداً، ما تستغربش من كلامي يا جيمي لأن أبوك مبارك نجح انه يرخص سعر المصري في كل مكان ومبارك نجح بحكمته التي يحتال بها علينا ان يرخص سعر مصر في كل المحافل وآخرها وكسة فاروق حسني التي اثبتت بما لا يدع مجال للشك متانة وعمق علاقات مبارك بأخوته رؤساء وحكام أوربا وامريكا اللي بعب..وه وسقطوله فاروق حسني تعبيرا وتقديرا منهم لشخص مبارك المحترم


اثناء الإجتماع السابق ذكره قال جيمي أن المؤتمر يتضمن أوراق عمل تشمل 12 عنوانا رئيسيا يتركز أغلبها حول قضايا اقتصادية واجتماعية مثل مكافحة الفقر والاستثمار والتشغيل، بينما تتركز القضايا السياسية علي تمكين المرأة وحقوق المواطنة والديمقراطية.

الحقيقة انا عايز أشكر جيمي على تبنيه لهذه القضايا الهامة وأحنا دلوقتي إتطمنا ان مصر في ايدين امينة، جيمي ناوي يكافح الفقر يا شعب مصر، لازم نعلن عن فرحتنا بيك وبأبوك لأننا رغم اننا تعودنا ان كل مرة ابوك يجيب فيها سيرة الفقراء كانت دايما قراراته بتصدر لصالح المزيد من إفقارهم وتجويعهم، لكن انا شخصيا مستبشر الخير على إيديك يا جيمي خصوصا وانك فعلا حسيس وعندك دم وبتشعر بآلام ومظالم الفقراء المساكين، أنا مستبشر خير والله منك يا جيمي انك تخلص الفقراء من بؤسهم وتموتهم وتخلصهم من الدنيا وقرفها

أما حكاية تمكين المرأة فأنا معاك قلبا وقالباً وفعلا نسوان وبنات مصر محتاجين فعلا يبقو مكن زي نسوان وبنات اوربا وامريكا، إحنا مش هنتقدم علميا وصناعيا وعسكريا ولا هنحرر الأقصى غير لما حريمنا تبقا مكن، أنا شايف يا جيمي انك تشكل لجنة عليا يترأسها شيخ الازهر وتترقصها ايناس الدغيدي ويتم تكليف اللجنة دي بقيادة ميلشيات عسكرية تطارد نساء وبنات مصر في الشوارع وتنزع النقاب والحجاب عن النساء ده طبعا في المرحلة الأولى بس بعد كده لما حريمنا تلبس كاجول لازم اللجنة تطور من أدائها ورغم إن التطوير ده هيحتاج لميزانية كبيرة لكن صدقني يا جيمي المردود هيكون عالي جدا، في المرحلة التانية برضه ميلشيات ايناس الدغيدي وشيخ الازهر هيشنوا هجمات يومية على النساء في الشوارع لتمزيق ملابس النساء وتجريدهن حتى من ثيابهن الكاجوال وإعطاء كل فتاة أو إمرأة تلات ورقات توت تستر بيها نفسها وياريت متوزعوش اساتك مع ورق التوت عشان حريم بلدك يا جيمي يقعو في حيص بيص وما يعرفوش يسترو النصف التحتاني ورا وقدام ولا النص الفوقاني وبكده أوعدك إن مصر هتبقا مزار سياحي واللي ما يشتري يتفرج، ومفيش شك إن الميتين وخمسين مليون عربي والستة مليار سكان الأرض هيجولنا يصيفو ويشتو ويربعنو ويخرفوا عندنا، كده يا جيمي هتبقا ضربت تمانين مليون دجاجة مصرية بقرن خروف واحد وكده ما حدش هيعايرك ويقولك يا خ.ل يا إبن المت..كة

معلش يا عزيزي القارئ مش بقدر أقاوم غواية الشيطان خصوصا عندما يتعلق الامر بعائلة مبارك وربنا يديم المشاعر المتبادلة بيننا، نرجع لموضوعنا الرئيسي وخاصة أن صفوت الشريف أعلن أن الشعار الذي سيتبناه الحزب الوطني لمؤتمره السنوي المقبل هو «من أجلك أنت»

كده بقا غامت علينا جميعاً الرؤية فلا نعرف هل المقصود بأنت هنا الريس ولا جمال ولا المواطن، لو كان المقصود الريس يبقا كده مبارك ناوي يشرشح نفسه للمرة السادسة لمنصب رئيس الجمهورية، ولو كانت أنت عائدة على جيمي فكده يبقا عرفنا ان جيمي هيشرشح نفسه لمنصب الرئاسة، أما لو كانت أنت عائدة على الشعب المصري فبكده نبقا عرفنا ان الشعب المصري هيتشرشح لما يقول يا بس واللي ما يشتري يتفرج
حسام عامر