اللي ما يشتري يتفرج

جمال مبارك رئيس المجلس الاعلى للسياسات بالحزب الوطني، رأس إجتماع المجلس الذي عقد يوم الإتنين 19 اكتوبر 2009، وقد اكد جمال خلال الإجتماع أن المؤتمر السنوي السادس للحزب الذي سيعقد آخر شهر أكتوبر الحالي، سوف ينعقد بعد مرور 4 سنوات علي إطلاق البرنامج الانتخابي للرئيس مبارك، وسيتم خلاله طرح ورقة بما تم إنجازه من البرنامج خلال هذه الفترة.

 

إنجازات الرئيس حسني مبارك، الفقر في مصر

 

 

 

 

 

 

 

 

 

 ....................

 والله ما تكلف خاطرك يا جيمي وتطرح ورقة الإنجازات دي، من غير ورق وحلفانات وأيمانات إحنا مصدقينك، لأننا كلنا حاسين بإنجازات أبوك اللي مغرقانه في الخير، واللي خلت مصر دولة عظمى، يشار لها بالأصبع الوسطى، وإنجازات أبوك رئيسنا المحبوب لا ينكرها، إلا ثمانين مليون جاحد بس، أينعم ان أسعار السلع الغذائية تضاعف سعرها، خلال الأربعة سنوات إنجازات، بس برضه لازم نعترف إن حاجات تانية رخصت جداً، ما تستغربش من كلامي يا جيمي لأن أبوك مبارك نجح انه يرخص سعر المصري في كل مكان، ومبارك نجح بحكمته التي يحتال بها علينا ان يرخص سعر مصر، في كل المحافل، وآخرها وكسة فاروق حسني التي اثبتت بما لا يدع أي مجال للشك، متانة وعمق علاقات مبارك بأخوته رؤساء وحكام أوربا وامريكا، اللي بعب$وه وسقطوله فاروق حسني، تعبيرا وتقديرا منهم لشخص مبارك المحترم.


اثناء الإجتماع السابق ذكره، قال جيمي أن المؤتمر يتضمن أوراق عمل تشمل 12 عنوانا رئيسيا، يتركز أغلبها حول قضايا اقتصادية واجتماعية، مثل مكافحة الفقر والاستثمار والتشغيل، بينما تتركز القضايا السياسية، علي تمكين المرأة وحقوق المواطنة والديمقراطية.

الحقيقة انا عايز أشكر جيمي على تبنيه لهذه القضايا الهامة، وأحنا دلوقتي إتطمنا ان مصر في ايدين امينة، جيمي ناوي يكافح الفقر يا شعب مصر، لازم نعلن عن فرحتنا بيك وبأبوك، لأننا رغم اننا تعودنا ان كل مرة ابوك يجيب فيها سيرة الفقراء، كانت دايما قراراته بتصدر لصالح المزيد من إفقارهم وتجويعهم، لكن انا شخصيا مستبشر الخير على إيديك يا جيمي، خصوصا وانك فعلا حسيس وعندك دم، وبتشعر بآلام ومظالم الفقراء المساكين، أنا مستبشر خير والله منك يا جيمي، انك تخلص الفقراء من بؤسهم وتموتهم وتخلصهم من الدنيا وقرفها.

أما حكاية تمكين المرأة، فأنا معاك قلبا وقالباً وفعلا، نسوان وبنات مصر محتاجين فعلا يبقو مكن، زي نسوان وبنات اوربا وامريكا، إحنا مش هنتقدم علميا وصناعيا وعسكريا ولا هنحرر الأقصى غير لما حريمنا تبقا مكن، أنا شايف يا جيمي انك تشكل لجنة عليا يترأسها شيخ الازهر، وتترقصها ايناس الدغيدي، ويتم تكليف اللجنة دي بقيادة ميلشيات عسكرية، تطارد نساء وبنات مصر في الشوارع، وتنزع النقاب والحجاب عن النساء، ده طبعا في المرحلة الأولى بس، بعد كده لما حريمنا تلبس مايوهات وقمصان نوم في الشوارع، لازم اللجنة تطور من أدائها، ورغم إن التطوير ده هيحتاج لميزانية كبيرة، لكن صدقني يا جيمي المردود هيكون عالي جدا.

في المرحلة التانية برضه ميلشيات ايناس الدغيدي وشيخ الازهر هيشنوا هجمات يومية على النساء في الشوارع، لتمزيق ملابس النساء وتجريدهن حتى من قمصان نومهن، وإعطاء كل فتاة أو إمرأة تلات ورقات توت تستر بيها نفسها، وياريت متوزعوش اساتك مع ورق التوت، عشان حريم بلدك يا جيمي يقعو في حيص بيص، وما يعرفوش يسترو النصف التحتاني ورا وقدام، ولا يستروا النص الفوقاني، وبكده أوعدك إن مصر هتبقا مزار سياحي، واللي ما يشتري يتفرج، ومفيش شك إن الميتين وخمسين مليون عربي والستة مليار سكان الأرض هيجولنا يصيفو ويشتو، ويربعنوا (من الربيع) ويخرفنوا (من الخريف) عندنا، كده يا جيمي هتبقا ضربت تمانين مليون دجاجة مصرية بقرن خروف واحد، وكده ما حدش هيعايرك ويقولك يا خ*ل يا إبن المتهاكة

معلش يا عزيزي القارئ، مش بقدر أقاوم غواية الشيطان، خصوصا عندما يتعلق الامر بعائلة مبارك، وربنا يديم مشاعر إحتقاري لهم حتى يوم العرض عليه، نرجع لموضوعنا الرئيسي وخاصة أن صفوت الشريف، أعلن أن الشعار الذي سيتبناه الحزب الوطني لمؤتمره السنوي المقبل هو (من أجلك أنت).

كده بقا غامت علينا جميعاً الرؤية، فلا نعرف هل المقصود بأنت هنا، الريس ولا جمال ولا المواطن، لو كان المقصود الريس، يبقا كده مبارك ناوي يشرشح نفسه للمرة السادسة، لمنصب رئيس الجمهورية، ولو كانت أنت عائدة على جيمي، فكده يبقا عرفنا ان جيمي، هيشرشح نفسه لمنصب الرئاسة، أما لو كانت أنت عائدة على الشعب المصري، فبكده نبقا عرفنا ان الشعب المصري هيتشرشح لما يقول يا بس، واللي ما يشتري يتفرج.
حسام السعيد عامر

Share شارك المقال مع أصدقائك :

هناك 11 تعليقًا:

  1. عم مرعي بتاع الكلماالسبت, أكتوبر 24, 2009 8:11:00 م

    إحنا مش هنتقدم علميا وصناعيا وعسكريا ولا هنحرر الأقصى غير لما حريمنا تبقا مكن، أنا شايف يا جيمي انك تشكل لجنة عليا يترأسها شيخ الازهر وتترقصها ايناس الدغيدي ويتم تكليف اللجنة دي بقيادة ميلشيات عسكرية تطارد نساء وبنات مصر في الشوارع وتنزع النقاب والحجاب عن النساء ده طبعا في المرحلة الأولى بس بعد كده لما حريمنا تلبس كاجول لازم اللجنة تطور من أدائها ورغم إن التطوير ده هيحتاج لميزانية كبيرة لكن صدقني يا جيمي المردود هيكون عالي جدا، في المرحلة التانية برضه ميلشيات ايناس الدغيدي وشيخ الازهر هيشنوا هجمات يومية على النساء في الشوارع لتمزيق ملابس النساء وتجريدهن حتى من ثيابهن الكاجوال وإعطاء كل فتاة أو إمرأة تلات ورقات توت تستر بيها نفسها وياريت متوزعوش اساتك مع ورق التوت عشان حريم بلدك يا جيمي يقعو في حيص بيص وما يعرفوش يسترو النصف التحتاني ورا وقدام ولا النص الفوقاني وبكده أوعدك إن مصر هتبقا مزار سياحي واللي ما يشتري يتفرج

    مش بعيد يعملوها فينها لو فضلنا ساكتين لهم
    ضحكت من قلبي وانا بقأ المقالة الجميلة دي يا حسام يابني ربنا يديم قلمك لفضح مبارك وعيلته

    عم مرعي بتاع الكلما

    ردحذف
  2. انت سافل وتافه عشان كده مش هنعبرك
    قارئ من جهة امنية

    ردحذف
  3. مقالة رائغة وساخرة يا سيد حسام بس أنا زعلت انك رجعت لإستخدام الألفاظ البذيئة والسباب الفاحش تاني
    دكتور عبد العزيز

    ردحذف
  4. يا كلب الشتيمة تلف تلف ترجع لصاحبها

    ردحذف
  5. يا حسام بك اليس من الأفضل أن تنقد بموضوعية بدلا من السباب والشتائم

    ردحذف
  6. هههههههههههههههههههههههههههههههههههههههههه
    موتني من الضحك سخريتك لاذعة قوي المرة دي
    مهندس مينا عازر

    ردحذف
  7. هههههههههههههههه، والله مالكش حل يا استاذ حسام
    احمد

    ردحذف
  8. شكرا يا استاذ حسام وعايز اقول لبتاع الموضوعية لما مبارك يعاملنا بموضوعية يبقى تطلب من الناس غنها تتكلم عليه وتعامله بموضوعية وبعدين المقال نقد لاذع وموضوعي بس انت اللي مش قادر تركز على الموضوعية
    خليك انت موضوعي وناقش المقال بموضوعية من غير ما تتكلم بكلام غير موضوعي
    قارءى من كرموز

    ردحذف
  9. دي عيلة واطية وكدابة
    كمال

    ردحذف
  10. انت مش فارئ من كرموز انت سفاح كرموز
    فقست الراجل بتاع الموضوعية واضح انه من عشاق مذهب الموضوعية للموضوعية

    ردحذف
  11. تمكين المرأه بكوته في مجلس الشعب
    تحديد كوتة خاصة للمرأة غير متفق مع الدستور الذى ينص على المساواة بين كل طوائف الشعب بدون تمييز جنسى

    لا يحفى على الجميع أن الـ 64 مقعد المخصصين للمرأةما هم إلا حجز أصوات لصالح الحزب الوطنى الذى يريد الهيمنة على التشريعات التى يصدرها مجلس الشعب
    و لم يكفهم أمانه السياسات و سيطرتها على الحياه السياسة فى مصر !

    و كأنهم يقولون نحن من يشرع القوانين و نحن من يوافق عليها و نحن من ينفذها على من نريد!!
    هذا المشروع لم يصدر عن قناعة سياسة داخل مصر فلا يُعقل أن النظام إذ فجأةً يقرر بأهمية تمثيل المرأة سياساً و إنما بضغط خارجى
    تلك هى المنظمات الأجنبية فى أمريكا و فى الإتحاد الأوروبى
    التى تفرض على الأنظمة الواهية خطط علمانية و غربية الأسس
    و تنتظر تنفيذها و على كل دولة تقديم تقرير سنوى عن الخطوات التى اتخذتها لتنفيذ أوامر الأسياد !!
    تخيلى معى عزيزتى المواطنة و كل من تصفق بحرارة لهذا المشروع
    من سيمثلك فى البرلمان ؟

    انهن العلمانيات اللاتى يردن فصل الدين عن الدولة
    ليصبح مجتمعنا فاقد لمبادئة الدينية
    يردن مساواة بما يخالف شرائع الإسلام
    مساواة فى الميراث و تجريم تعدد الزوجات و غيرها من التشريعات التى ستجعل من الحياه فى مصر فاقدة للروح الإسلامية .

    ردحذف

أرشيف المدونة الإلكترونية

Recent Posts

سينما

مشاركة مميزة

من الذي اغتال الرئيس محمد انور السادات؟، هل نظرية المؤامرة حقيقة؟

من الذي اغتال الرئيس محمد انور السادات؟  هل نظرية المؤامرة حقيقة؟ سؤال ربما لم يخطر على بال أغلب المصريين، لأن كلنا نعلم ان من قتل السادات ه...