أي تشابه بين شخصيات القصة وأحداثها، وبين أي شخصيات أو أحداث حقيقية وقعت، أو سوف تقع هو تشابه مقصود، كنوع من الرخامة والغلاسة ... حد شريك.
........................
ذاك اليوم سقط العمدة مغشياً عليه، اثناء إفتتاحه لأحد المشاريع الزراعية في قريته، وقد أثارت هذه الحادثة مخاوف زوجته ام جمال، فقررت أن تسرع في تولية ابنها جمال منصب العمودية، خوفاً من أن يموت العمدة، وتخسر هي وولداها جمال وعلاء كل الإمتيازات، التي حصلوا عليها أثناء عمودية زوجها.
اسرعت ام جمال عائدة لدوار العمدة، الذي يطلق عليه المواطنين قصر العمودية، وبحثت في قاعات ومندرة الدوار على إبنها الاصغر جمال، الذي تعده منذ سنوات لوراثة كرسي العمودية خلفاً لابيه، فشلت أم جمال في العثور على إبنها، فذهبت للترفية عن نفسها في حظيرة المواشي، ولتحلب الثور الكبير الأسود، فقد كانت تعشق حلب الثيران، وهناك فوجئت بأن إبنها جمال قد سبقها وحلب الثور تماماً.
غضبت ام جمال وتمعر وجهها، وأخذت بيد ولدها وأخرجته من الزريبة، وعندما همت بالخروج من الباب لوحت بيدها للثور المنهك، بما معناه أنها ستعود له بعد قليل، داخل أحد قاعات دوار العمدة جلست أم جمال مع إبنها، تتناقش معه في عملية تسريع التوريث.
- انت لازم تقعد على كرسي العمودية يا مدهول، أبوك النهاردة وقع من طوله زي الشوال قدام كل الفلاحين، وكده الناس هتبتدي تطمع في كرسي العمودية.
- وانا اعمل إيه يا مامي، ماهو انتي عارفة الفلاحين قارشين ملحتي وبيكرهوني فشخ.
- ما هو من عمايلك السودة يا مدهول. مش انت اللي فضحت نفسك لما كنت بتحلب الغفر، أهو سيرتك بقت على كل لسان، والناس بتقول عليك شاب بيجي بيجي، من الشباب اللي بيروح وييجي.
- وبعدين يا مامي أعمل ايه؟ ما انتي عارفاني طالعلك وطالع لأبويا، والغفر كانوا بيحبوني ومطلعين عليا اني شاروقة.
- مفيش حل غير انك تروح تحج ،ولما ترجع من الحج نجوزك وبكده نقطع لسان الناس.
- اتجوز ايه بس يا مامي، واللي هتجوزها دي هعمل معاها ايه؟ مانتي عارفة البير وغطاه، وبعدين مين ترضى تتجوز واحد مابيعرفش.
- ما تقلقش يا جمال يا إبني، أنا حاطه عيني على بنت سمير الغنام، مانت عارفها شاروقا زيك، وهتتصرف ومش هتغلب، دي بنت اروبة وطالعة لأمها.
- طب الجواز وعرفنا هنعمل في إيه، إنما حكاية الحج دي مش نازلالي من زور، هعمل فيها إيه؟ انت عايزاني الف زي المتخلفين دول حوالين البيت اللي مسمينه الكعبة؟، يعني انا مش مؤمن بوجود اله زيك وزي بابي، ازاي عايزاني احج بس يا مامي؟، هو انت ولا بابي حجيتو قبل كده عشان تدبسوني انا في الحكاية دي.
- يابني مثل وإعمل نفسك انك بتحج، ولف مع الناس وخلاص، وانا هبعتلك كام مصور يصوروك وانت جنب الكعبة، والصور دي هتقطع لسان الناس، وهتسهل انك تورث كرسي العمودية.
- هو الايام دي ايام حج يا مامي؟
- مش عارفة يا جمال، بس خلينا نبعت نجيب الشيخ شطانوفي بتاع الجامع الكبير، وهو هيرسينا على المفيد.
الست أم جمال التي هي السيدة الأولى في قرية المخروبة، الشهيرة بكفر المدهولين، قامت بإرسال أحد الغفر ليستدعي الشيخ شطانوفي، وبالفعل لبى الشيخ رغبة السيدة الأولى، وترك جلسة الذكر التي كان يمارسها مع إحدى الخادمات اللائي يعملن في داره الواسعة، وما إن دخل الشيخ شطانوفي على السيدة الأولى، وإبنها جمال داخل القاعة الكبيرة بدوار العمدة، حتى فاجئته أم جمال قائلة.
- انا عايزاك تاخد ابني جمال وتروحوا تحجوا سوا.
- بس الحج مش اليومين دول، ده هيبقا بعد سبع شهور.
- اتصرف يا شطانوفي.
- انا رأي اننا نعمل عمره، هو مش برضه الغرض هو انه يتصور بملابس الإحرام؟
- مظبوط يا شطانوفي، انت مصيبة ودماغك بيلعب فيها مدرسة شياطين.
- ده من بعض افضالك يا ست هانم، طب انا هجهز نفسي وهنطلع انا وابن حضرتك كمان اسبوع.
- كتير يا شطانوفي، خليها يومين الوقت ضيق قوي.
- حاضر يا ست هانم.
- وبقولك ايه انا مش عايزاك تعمل في الواد حاجة، انا عايزاه يبطل اللي بيعمله ويسترجل شوية، لنا مش عايزه الناس تطمع فيه وتركبه أكتر من كده.
- امرك يا ست هانم، بس ياريت تخليه هو يسيبني في حالي وميطلبش مني اني ...........، ما حضرتك عارفاه لما بيتزربن وبتطلب معاه ممكن يموت اللي يرفض ينفذ طلبه.
نستكمل غداً
حسام السعيد عامر
خايف عليك يا حسام من الحكاوي دي
ردحذفبس دخه لا ينسيني أني أقولك كل سنة وأنت طيب وعيد سعيد يا باشا
تحياتي
ان خفت ما تقولشي وان قلت ما تخافشي
ردحذفعندي احساس من كتر قراءة مواضيع الاستاز حسام انه مش بيخاف ومستبيع ومش فارقاه معاه وواضح انه معندوش حاجة يخسرها وده يخليني متئكد انه مش هيتراجع غير بعد ما نظام مبارك يسقط
.........
عاش الكفاح الثوري عاشت مصر حرة مستقلة عاش تحالف الهلال مع الصليب يسقط حسني مبارك
ويسقط المطر شتاء
كيمونة المصريين الاحرر بجنوب القاهرة
عنهم متولي المتولي