Select Menu

Slider

يتم التشغيل بواسطة Blogger.

Travel

Performance

Cute

My Place

Slider

Racing

Videos

» » إديله فيزا
«
Next
رسالة أحدث
»
Previous
رسالة أقدم

السيدات والسادة أهلا وسهلا بكم في برنامجكم "هنديله فيـــزا" الذي يذاع إسبوعياً على قناة ومدونة شلوت مزدوج، ضيف حلقة النهاردة حكم وعكم وقفش وعكش كرسي الرئاسة في اكبر دولة عربية لمدة تمانية وعشرين سنة متواصلة، ضيف حلقة النهاردة كان قائد سلاح الطيران في حرب اكتوبر ثم ترقى ليصبح نائب رئيس الجمهورية ثم ذات صباح ما طلعتلوش شمس بعد مقتل رئيس الجمهورية السابق نجح ضيف حلقتنا في التربع على كرسي الرئاسة، ضيف حلقة النهاردة رغم انه أعلن في بداية حكمة بكل وضوح للمواطنين ان رئاسته للدولة لن تتجاوز فترتين رئاسيتين إلا إنه إستحلى المريسة وتبت في كرسي الرئاسة بإيديه وسنانه وماشي في الفترة الرئاسية الخامسة، ضيف حلقة النهاردة تجاوز عمرة الخامسة والثمانين في بعض الاقوال وتجاوز عمره السابعة والثمانين في اقوال أخرى، ضيف حلقة النهاردة المكرمش الوجه بفعل عوامل الزمن ودعاء الجماهير وغضب الله، ضيفنا النهاردة هو الرئيس المصري حسني مبارك رحبو معي بالضيف
الجماهير : ييييه ييييييه ( قلة مندسة تقذف بيض فاسد على حسني مبارك)

انا : شكراً للسيد محمد حسني مبارك الرئيس المصري، شكراً نورت برنامج "هنديله فيزا" نعم "هنديله فيزا" في الحقيقة أنا هتكلم مع حضرتك على حاجات في غاية الاهمية، نعم في غاية الاهمية، الشارع المصري يتسائل، الشارع المصري يأن، هل يكمل الرئيس مبارك مسيرته ويستمر في الجلوس على كرسي الرئاسة حتى نهاية العمر، عشان كده انا جاي النهاردة أزف لحضرتك خبر في غاية الاهمية وهو ان برنامج "هنديله فيزا" قرر ان يديك فيزا من بداية الحلقة، نعم من بداية الحلقة عكس ما هو متبع في البرنامج لاننا دائما كنا ندي الضيف فيزا في نهاية الحلقة لكن تقديراً من البرنامج لجهودك الرهيبة في تخريب مصر، نعم في تخريب مصر قررنا ان نديك كلنا فيزا وهتاخد فيزا آسف في التعبير هتاخد فيزا لحد ما تشبع نعم لحد ما تشبع، بداية بعد ما إدناك فيزا إسمحلي ارحب بيك . إسمحلي ارفع الكلفة وأشيل الألقاب وأقول لك اهلا يا مبارك
مبارك :
انا : أنا عايز أبتدي حواري معاك النهاردة وأرجع بيك لأيام طفولتك السعيدة البعيدة من حوالي تمانين سنة وأقول لك بكل أريحية بدون ما أحاول أغيظك أو أجيب خرامة وأخرملك بربريزك أو أجيب شنيور وأشنيرلك إفريزك وأوجه لك سؤال ما حدش سأله لك قبل كده آسف في التعبير هوجه لك سؤال في دروة في خلوة واقول لك بكل جراة .. ياريت ماتزعلشي من صراحتي لكن عندي سؤال بيلح على عقول الناس كلها نعم عقول الناس كلها .الناس في مصر يتسائلون يتحيرون . وإنت عيل ركبت عجل وإتمرجحت في مراجيح؟
مبارك :
أنا : اشكرك على صراحتك، , وأسأل، وإنت عيل صغير عديم الخبرة عمرك إتعرضت لموقف سئ مثلاً هل سبق انه حد من العيال زمايلك في الكتاب ضربك هل الشيخ بتاع الكتاب مدك على رجليك بسبب انك محفظتش السورة ومعرفتش تسمعها ولا لسعك بالخرزانة على تييييت ولا رقعك قلمين على صداغك أو على قفاك ورحت إشتكيت لأمك وأبوك ودموعك نازلة تسح من كتر حرقة الألم من لسعة الخرزانة على تيييت؟
مبارك :
أنا : احيك على صراحتك نعم أحيك وأسأل، كلنا عارفين إنك عشت طفولة بائسة وإن اهلك كانو فقرا وده مش عيب لكن نفسي أعرف هل انت فاكر إحساسك ايام الفقر وياريت تقولنا هل تألمت من فقرك؟
مبارك :
انا : الناس كلها ملاحظة انك في سياستك الداخلية بتتجاهل إحتياجات الفقراء وكل الإصلاحات الإقتصادية بتصب في جيب رجال الأعمل لدرجة ان معظم الشعب المصري بيعتقد انك بتكره الفقراء وبتشيلهم من حسابك، والسؤال هنا هو انت ليه بتعمل كده هل إنت فعلا بتكره الفقرا، هل الفقر اللي عشته في طفولتك اثر على تكوينك النفسي عشان كنت مضطر لمسح جوخ للأغنياء عشان تكسب مودتهم، هل انت بتكره الفقير اللي عنده عزة نفس ونفسك تخلي كل الفقرا يطاطو ويتمحلسو وينافقو وينكسرو زي ما انت كنت بتعمل وعشان كده تعمدت تفقر الشعب المصري وتذله وتجوعه عشان تخليه يتكسر وينافق ويبيع نفسه وعرضه زي ما أنت عملت أيام طفولتك وشبابك وفي بداية حياتك، هل انت بتعمل كل ده عشان تحس إنك لما اتكسرت وإتذللت وإتمحلست مكنتش بتعمل حاجة غلط؟
مبارك :
أنا : نبعد شوية عن طفولتك وخليني اسألك لما حاصرت الفلسطينيين في غزة ومنعت عنهم الأكل والدواء والمساعدات الإنسانية وساعدت على تجويعهم وإذلالهم عشان تكسر إرادتهم فهل إنت فخور بتعاونك مع الإسرائيليين وبتنفيذك لطلباتهم؟
مبارك :
أنا : أنا متذكر ردك على رفعت سيد أحمد وعبد الله السناوي لما طلبوا منك انك تطبق الديمقراطية في مصر وتدخل التاريخ فتهكمت عليهم وقلت انك لا عايز تدخل التاريخ ولا الجغرافيا، ده كان زمان لكن بعد تمانية وعشرين سنة من حكمك وبعد ما مصر بقت على الحديدة وبعد خمس فترات رئاسية حكمت فيها مصر وبعد ما دخلت ابنك جمال لمعترك السياسة وبتعده لكي يرث كرسي المريسة في سابقة هي الأولى من نوعها منذ إنقلاب ظباط الجيش على الملكية، طبعاً المؤرخين هيكتبوا عنك سواء شئت أم أبيت لأن التاريخ دايما بيهتم بتخليد ذكرى الناس اللي بتترك بصمة وتأثير قوي سواء خير او شر، السؤال هنا هو ما هو تصورك لما سيكتبه التاريخ عنك وعن فترة حكمك؟
مبارك :

أنا : اشكرك نعم أشكرك وأسال ، ريس مبارك بحكم كونك مراكبي دولة مصر إزاي قدرت تتجاهل حقيقة الخطر الصهيوني القريب وتتجاهله تماماً وإنت بتقود دفة سفينة الوطن نحو العاصفة التي لن ينجوا منها أحد وإزاي إتخذت موقف معادي من دولة إيران رغم إنها لا تمثل تهديد لا على مصر ولا على الأمة العربية، بمعني إزاي بلفت دماغ المواطنين والمثقفين
مبارك :
انا : في نهاية لقاءنا نشكر مبارك ونديلة فيزا مرة تانية
الجماهير تهتف بحماس متناهي : إديله فيزا إديله فيزا،
حسام عامر

About حسام عامر

إسمي حسام السعيد محمد عامر كاتب ومفكر ثوري حر ويمكنك التعرف اكتر علي من هنا
«
Next
رسالة أحدث
»
Previous
رسالة أقدم

7 comments

  1. عم مرعي بتاع الكلماالجمعة, أغسطس 21, 2009 7:14:00 م

    انت فظيع يا حسام يا بني وواضح جدا انك دارس جيد للعلوم الانسانية زي علم نفس التحليلي والا مش ممكن كنت تقدر تتوصل لصياغة السؤال ده
    .................
    انا : الناس كلها ملاحظة انك في سياستك الداخلية بتتجاهل إحتياجات الفقراء وكل الإصلاحات الإقتصادية بتصب في جيب رجال الأعمل لدرجة ان معظم الشعب المصري بيعتقد انك بتكره الفقراء وبتشيلهم من حسابك، والسؤال هنا هو انت ليه بتعمل كده هل إنت فعلا بتكره الفقرا، هل الفقر اللي عشته في طفولتك اثر على تكوينك النفسي عشان كنت مضطر لمسح جوخ للأغنياء عشان تكسب مودتهم، هل انت بتكره الفقير اللي عنده عزة نفس ونفسك تخلي كل الفقرا يطاطو ويتمحلسو وينافقو وينكسرو زي ما انت كنت بتعمل وعشان كده تعمدت تفقر الشعب المصري وتذله وتجوعه عشان تخليه يتكسر وينافق ويبيع نفسه وعرضه زي ما أنت عملت أيام طفولتك وشبابك وفي بداية حياتك، هل انت بتعمل كل ده عشان تحس إنك لما اتكسرت وإتذللت وإتمحلست مكنتش بتعمل حاجة غلط؟
    .............
    لأهنيك على الحوار الاكتر من رائع وفعلا مستحيل كاتب او صحفي يسأل اسئلة بالعمق ده بس عندي اعتراض على الشتايم كنت المفروض عاملته بحيادية صحفية عموما حوار جامد وبيقول انك فعلا دماغك متكلفة

    ردحذف
  2. انت انسان سافل ومنحط ازاي تتكلم بالاسلوب الوقح ده مع الرئيس حسني مبارك صدقني نهايتك قربت
    قارئ من جهة امنية

    ردحذف
  3. توبيك لذيذ خالص يا استاذ حسام على فكرة انا بعت لحضرتك ايميل يريت ترد عليا ضروري

    ردحذف
  4. نسيت اقول لك ولقراء المدونة كل سنة وانت طيب يا استاذ حسام ويا كل قراء المدونة

    ردحذف
  5. أحييك يا أستاذ حسام على شجاعتك وأسلوبك ، وربنا ينفع بيك ، ويبعد عنك الأباليس البشرية ...
    بس ياريت لو سمحت لي الحوار فيه تكرار كتير ، بمعنى تكرار العبارة الواحدة مرتين ، وبعدين ماكتبتش رد المسكين اللي اسمه ايه ده ليه؟ كنا عايزين نعرف قال ايه ولو انا مش عايزين نسمع صوته ... !!!

    مدونة قاوم http://kawemkawem.blogspot.com/

    ردحذف
  6. مش عارف حاسس ليه انك بتقلد مفيد فوزي.. تكرار العبارة الي بتقول فيها نعم وتكرر ما قلته ده اسلوب مفيد وكمان كلمته المميزة "وأسألك" .. أكتر جملة موتتني من الضحك اللي فكرتني بتسمحلي استفزك هي جملتك الي قلت فيها
    ........
    بدون ما أحاول أغيظك أو أجيب خرامة وأخرملك بربريزك أو أجيب شنيور وأشنيرلك إفريزك
    .......
    حرام عليك انت بعترت كرامة الريس خوصوصن لما سميت البرنامج اديله فيزا فكرتني بفيلم اتش دبور بس حوار تحفة ومفيش مخلوق غيرك يتجرأ يعمله

    ردحذف
  7. الي قاري من جهه امنيه
    انشاء الله ربنا ياخذ سيدك و اولاده و اهله كلهم وكل كلب نبح لسيده و عض اهل مصر. رنا يغزك يا مصر

    ردحذف