جرائم جمال وعلاء مبارك في حق مصر والمصريين - حسام السعيد عامر

يشارك كل من علاء و جمال مبارك على سبيل الرشوة و البلطجة بحصص مجانية، تبلغ 50 بالمائة فى رأس مال كبرى الشركات التجارية و الصناعية بمصر، وكان من نتيجة فرض هذة النسبة المرتفعة جدا على هذه الشركات دون دفع مليما واحدا، أن هذه الشركات أصبح يتهددها خطر الافلاس و الانهيار، وقد تم طرد نسبة كبيرة من العاملين في بعض من تلك الشركات، مما أسهم فى زيادة نسبة البطالة و ارتفاع معدلات الكساد.
 
جرائم جمال وعلاء مبارك في حق مصر والمصريين - حسام السعيد عامر












و مما زاد الطين بله، أن جمال و علاء يتعمدان إفلاس وتطفيش أي شركة عالمية من السوق المصري، إذا لم تدفع لهما الإتاوة لكي تستمر بالعمل، والمطلوب من كل مستثمر هو دفع الإتاوة المقررة وهي 50%.
وبرغم دفع الشركات الكبرى للإتاوة إلا انها مجبرة على التنافس مع الشركات الأخرى التى تعطى لجمال وعلاء حصة مجانية برأس المال، مما أدى الى خروج الألاف من المستثمرين و رجال الأعمال الشرفاء الجادين من السوق، و نتج عن ذلك توقف الإنتاج فى معظم الوحدات الإقتصادية بالبلاد، وطرد العاملين بها، مما أوصلنا الى الحالة الراهنة من البطالة الشاملة، وقد أصبحنا نموذج لحالة إقتصادية إجتماعية سيئة، لم يعرف العالم مثيلا لها منذ أزمة الكساد العالمى، فى نهاية العشرينات من القرن الماضى.
وبالرغم أن جمال و علاء شركاء ببلاش، يعنى مش دافعين حاجة، الا أنهما بسبب جشعهما لا يرحمان شركاءهما، و لا يقدران ظروف الكساد الحالي وضعف القوة الشرائية في مصر، ويرفضان سماع أعذار وحجج، فلا بديل عن دفع نصيبهما البالغ 50% من أرباح الشركات، والتي يحددانها هما، ومش مشكلتهما إذا كان شركاءهما خسرانين و لا كسبانين.
 

قائمة بالشركات التى يشارك فيها جمال وعلاء بنسبة 50% بالمجان

 
 مارلبورو، مترو، هيرميس، ماكدونالدز (منصور)
سكودا (شفيق جبر)
حديد العز (أحمد عز)
دريم لاند( أحمد بهجت)
إيه أر تى (صالح كامل)
فرست (كامل والخولى)
موفينبيك ( حسين سالم)
التجارى (الملوانى)
فودافون (نصير) سابقاً قبل أن يفرضوا نفس النسبة على الشركة الإنجليزية التي تملكت فودافون مصر
سيراميكا (أبو العنين)
النساجون (خميس)
موبينيل (ساويرس)
هيونداى (غبور)
الأهرام للمشروبات (الزيات)
سيتى ستارز (الشربتلى و الشكبكشى)
أمريكانا (الخرافى و الألفى)
تشيليز (منصور عامر)
وغيرها و غيرها من الشركات الكبرى
وكان الأخوين مبارك قد فتحا خزائن البنوك على مصراعيها لشركائهما، يغترفون منها ما شاءوا من بلايين الجنيهات، من أموال المودعين، دون أى ضمانات، و دون أى مساءلة من النيابة مثل غيرهم من مقترضى أموال البنوك.
وقد تعدت مديونيات شركاء جمال وعلاء مبارك مبلغ 300 مليار جنية، هذا و يشارك كل من علاء وجمال بحصص مجانية مختلفة، فى أعمال غير مشروعة، مثل غسيل الأموال مع الشبوكشى والشربتلى وصالح كامل وناصر الخرافى، وتهريب المخدرات مع أخوان منصور، وتهريب الأثار مع زاهى حواس، وفاروق حسنى وكمال الشاذلى، والاتجار فى السلاح مع الخولى وسالم ويوسف بطرس غالى وغيرهم.
هذا وقد اختزل جمال مبارك السوق فى مصر فى 50- 60 من شركائه من رجال الأعمال وقام بتطفيش وتصفية باقى رجال الأعمال، الذين يرفضون مشاركته أى أعطائه نصف شركاتهم بدون مقابل.
واستفاد الاخوان مبارك من نفوذ أبيهما بتصفية الشركات المشاكسة، بتلفيق تهم لأصحابها ومديريها، ووضعهم فى غياهب السجون مثل حسام أبو الفتوح و مجدى يعقوب و غيرهما.
أو بجعل الضرائب و الجمارك و الشرطة تقلب حياتهم جحيم، أو أحيانا بقتلهم كما فى حالة المرحوم حسن يوسف صاحب شركة دولسى لصالح لبنيتا المملوكة لعائلة منصور، وجهينة المملوكة لممدوح مكى ثابت قريب سوزان مبارك.
أو بالشروع فى قتله مثل محمود الشربينى صاحب حديد الدخيلة الأصلى، اللى رفض طلب جمال بمشاركته فيفتى فيفتى، خمسين في المية بلوشى، فكسروه عظامه فى حادثة لورى وأخذوا منه الشركة كلها ببلاش وأعطوها لأحمد عز حبيبهما، ورفيق جمال مبارك اللى فصلوا له قانون جنسية مخصوص، لان أبوه كان تاجر مانى فاتورة فلسطينى، بدأ من الصفر مع أمة الشغالة المصرية.
وكان من نتيجة سياسة جمال مبارك الاحتكارية الاهتبارية تلك، أن من تم تطفيشهم وتصفيتهم من السوق، وأُغلقت مصانعهم، وكانوا يستوعبون حوالى 5 ملايين عامل، ونتيجة لتصفية تلك الشركات والمصانع إنضمت عمالتهم المشردة لجيش العاطلين، بما أدى الى الانهيار الاقتصادى الحاصل حالياً في مصر.
كان جمال مبارك قبل اتخاذه لقرار تخفيض قيمة الجنية المصرى 53% مرة واحدة، قد نصح شركائه قبلها بتغيير كل ما يمتلكوه من مال سائل الى دولارات، بحيث تزداد ثروات كل منهم بنسبة 53% مرة واحدة عند قيام جمال بتخفيض الجنيه.
وقد تم ما تم وحصل جمال منهم على عمولة، بلغت قرابة نصف مكاسب شركائه، وقد تسبب تخفيض قيمة الجنيه، فى رفع الأسعار بشكل جنونى لا يمكن السيطرة عليه.
و الغريب أن عصابة مبارك فاكرة ان الناس مش فاهمة و مش عارفة و مش شايفة، العصابة الغبية الجشعة دى مش عارفة ان أول ناس بيفضحوهم وبكرة ان شاء الله حيشهدوا عليهم فى محاكمات داخلية و خارجية هم شركاءهم من رجال الأعمال، كل واحد بيدفع فى البلد دى بيحكى و خصوصا لو كان بيدفع للكبار
يجدر الإشارة إلى أن كل من حصل على قروض بنكية، من غير طريق جمال وعلاء دون أن يدفع لهما المعلوم، موجود الأن هو ومدير البنك فى السجن، أما كل من دفع فهو يتنعم بالفلوس ولا يسدد أى شىء للبنوك، ولا يستطيع أحد أن يقترب منه، وإبقو قابلوني يا شعب مصر لو عرفتو تاخدوا فلوسكم من البنوك، لأن علاء وجمال مبارك وشركائهم، نضفوا كل خزائن بنوك مصر، وهبشوا كل ودائعكم ومدخراتكم، ودلوقتي إدوروا على أموال المعاشات ونهبوها هي كمان.
من ناحية أخرى، يحتكر جمال مبارك عملية ما يسمى بالخصخصة، حيث يبيعا شركات وبنوك وهيئات الدولة بتراب الفلوس، لشركائهم نظير عمولة ضخمة، ونسبة ال 50% المجانية فى رأس المال دون مناقصة أو إعلان.
فى أحيان كثيرة يشترى الوغدان اللامباركان تلك الأصول المصرية لأنفسهما، تقريبا ببلاش لكن يستخدما بالطبع أسماء ناس تانية، كما فى حالة شركة الأهرام للمشروبات، وفي حالة شركة حديد الدخيلة.
الجدير بالذكر أن بريطانيا قامت فى الثمانينات من القرن الماضى، بخصخصة الوحدات الإقتصادية المملوكة للدولة، ليس ببيعها سوكيتى في السر بتراب الفلوس بدون مناقصة، ولكن بطرح كامل أسهمها للشعب بحد أقصى 50 جنيها للفرد الواحد، ومن يريد أن يحصل على أسهم أكثر فعليه أن يدفع أعلى قيمة سوقية لها، ويشتريها من الأفراد من خلال البورصة.
الشفافية و تغليب المصلحة العامة على أى مصالح و أهواء شخصية كانا أساس و منهاج الخصخصة بالدول الشريفة، على عكس دولة مبارك بتاعة العوالم والنصابين والحرامية، ومن ناحية أخرى يحتكر جمال مبارك بيع ديون مصر نظير عمولات كبيرة، كما إنه أكبر تاجر عملة فى مصر.
وجمال مبارك هو الوحيد الذى له صلاحية تحديد سعر صرف العملات، فى السوق المصرى، بإعتباره المحافظ الفعلى للبنك المركزى.
الجدير بالذكر أن حسنى مبارك كان قد أصدر قرارا جمهوريا بتعيين جمال مبارك نائبا لمحافظ البنك المركزى، وهو منصب سرى لجمال يستغله فى تجارة العملة و غسيل الأموال وتهريبها إلى الخارج
أظن لو سكتنا أكتر من كده على مبارك ومراته وعياله يبقا نستحق كل اللي يعملوه فينا.
حسام السعيد عامر
Share شارك المقال مع أصدقائك :

هناك 13 تعليقًا:

  1. الحقيقة مش عارف اتكلم حاسس اني اتصبت بالخرس والشلل من فظاعة الحقائق دي... كل ده واحنا نايمين وساكتين ومش عايزين نتغير امال امتى هنفوق من نومنا.... تحية ليك يا استاذ حسام بجد مدونتك تحفة وشجاعتك مضرب الامثال وياريت كلنا نبقى زيك

    ردحذف
  2. ربنا يخرب بيوتهم ويورينا فيهم يوم خربو بلدنا وفقرونا وجوعونا وموتونا وغرقونا ناقض ايه تاني يعملوه فينا لامتى هنسكت يا حسام على الناس دي وايه الحل وازاي نغير العصابة دي ونحاكمها على جرايمها

    ردحذف
  3. ابتديت اخاف عليك يا حسام خف شوية احسن شكلهم مش هيرحموك

    ردحذف
  4. كمال وغير معرف الأول والتاني
    أهلاً بيكم و ومنورين المدونة وبالنسبة للغير معرف التاني ماتخفشي عليا يا مان أخوك عنيد بما فيه الكفاية وإرادتي تفوت في الحديد والخوف مالوش في قلبي مكان من زمان والحمد لله انه مش بيجمع في قلب إنسان خشيته مع خشية سواه وده لو كان بيخشى الله بجد مش تمثيل وده بعض من أفضال ربي علي تقبلوا تحيتي وتقديري

    ردحذف
  5. بصرحة كتير من كلامك ليس حقيقي ولا دليل عليه وكله تنظير انت لا تملك معلومات او مستندات فاتقي الله
    انا معاك ان فيه كلام يقال ولكن لا احد يعلم الحقيقة ولا حتى انت
    وتقبل تحياتي

    ردحذف
  6. غير معرف
    بتقول لي إتقي الله
    مش الأفضل انك تقول إتقي الله لحسني مبارك
    عايزك تقول لحسني مبارك ولسوزان مبارك ولعلاء مبارك ولجمال مبارك ولعمر سليمان ولكل دلاديل أمن الدولة ولكل دلاديل المخابرات العامة ولكل دلاديا مكتب مخابرات رئاسة الجمهورية عايزك تقول لهم كلهم اتقوا الله في مصر وفي شعب مصر ولا انت بتخاف وجبان وجاي تعمل راجل على واحد مسكين زي حالاتي
    ابقا تعالى كل يوم

    ردحذف
  7. يا أخ حسام كلامك جميل ويعبر فعلا عن مدى كراهية الشعب المصرى وأنا أولهم للعيله دى

    لكن فعلا فى النهايه يبقى كلاما وبدون أى دليل كلامك دا لو انت بتوجهه لجمال ولا لعلاء ولا لحسنى هايجيبلك الف رد ورد والفين مبرر ومبرر لاحوال الناس دلوقتى

    علشان كده الدليل اهم من الكلام

    تقبل تحياتى

    ردحذف
  8. جمال ولد سوزان بيهدد ويتوعد اخواننا الجزائرين , بص شوف عيعمل ايه دا البيه؟ طبعا سيبيد كل الشعب الجزائري بغاز الفول المنبعث من فتحة آخر المستقيم. جمال ده بيطلع ناقة عشان زوجته تدعى خديجة الجمل

    ردحذف
  9. هاين عليا اعيط ياريت المدونه دى تنتشر على كل صحف النت وعلى الفيس بوك عشان تبقى فضيحه بجلاجل

    ردحذف
  10. لا لمبارك ولا لعلاء مبارك ولا لجمال مبارك ... إلى متى ستضلون جالسين فوق صدورنا

    ردحذف
  11. السلام عليكم الاول بجد انا لما شوفت الكلام دة انا زوهلت جداا وانا واثق انى دى حاجه مش غريبه عليهم واحنا كلنا عارفين حاجه زى كده بس ايه العمل مع الحكام الفاسدة دى نرجو الرد

    ردحذف
  12. بجد بحيى ال كتب الكلام ده من كل قلبى وربنا يباركلك وانا اؤيد انها تتنشر على كل صفحات النت وخصوصا الفيس بوك

    ردحذف
  13. وبعد الثوره ودماء الشهداء
    النهارده بيخد اخلاء سبيل لازلت اصق فى شعب مصر
    مكملين وصامدوووووووووووووووووووووون

    ردحذف

أرشيف المدونة الإلكترونية

Recent Posts

سينما

مشاركة مميزة

من الذي اغتال الرئيس محمد انور السادات؟، هل نظرية المؤامرة حقيقة؟

من الذي اغتال الرئيس محمد انور السادات؟  هل نظرية المؤامرة حقيقة؟ سؤال ربما لم يخطر على بال أغلب المصريين، لأن كلنا نعلم ان من قتل السادات ه...