Select Menu

Slider

يتم التشغيل بواسطة Blogger.

Travel

Performance

Cute

My Place

Slider

Racing

Videos

» » رسالة إلى جنود الأمن المركزي
«
Next
رسالة أحدث
»
Previous
رسالة أقدم

عزيزي المواطن المصري المجند في قوات الأمن أو الأمن المركزي أو في أي جهة أخرى تابعة لوزارة الداخلية المصرية، في البداية لابد أن تعرف أن كل دول العالم المتحضرة لا تقوم بإكراه المواطنين على الإلتحاق بالخدمة العسكرية، والتجنيد الإجباري للمواطنين لا ينفذ سوى في الدول المتخلفة التي لا تحترم حقوق الإنسان ولا تهتم بمصلحة أفراد الشعب، وبكل أسف تعتبر بلدنا مصر من الدول سيئة السمعة في مجال الحريات الشخصية والحقوق الإنسانية الأصيلة، وأنت تعلم أن من يتخلف عن التجنيد في مصر يعاقب بالسجن لذلك تضطر للإستسلام للأمر الواقع وتضطر أن تترك عملك في الغيط أو الورشة أو المصنع أو الدكان أو الشركة وتذهب لتسلم نفسك وروحك لظباط الداخلية
عايز أقولك يا عزيزي الجندي إن الهدف من التجنيد هو أن تخدم وطنك مصر وتحميها وهذا هو الهدف القانوني الذي يقوله لنا النظام المصري الحاكم، دعني أسألك سؤال يا عزيزي المجند في وزارة الداخلية، هل أنت بالفعل تقوم بخدمة بلدك وهل أنت بالفعل تحرس بلدك مصر وتأمنها ؟، خليني ألفت نظرك لشوية حاجات صغيرة قبل ما تتسرع وتجاوب على السؤال، إذا كان كل ظباط الداخلية يجبرون أغلب الجنود على أن يكونوا جنود مراسلة تخدم الظباط في المعسكرات والبيوت فهل عسكري المراسلة يخدم مصر أن يشتغل خدام عند الظابط ؟، أغلب الجنود خلال فترة تجنيدهم قاموا بأعمال خارج وحداتهم لصالح الظباط، مثلا لو إنت سمكري سيارات أو ميكانيكي فمن المؤكد أنك قمت بإصلاح سيارة الباشا وسيارة مراته وسيارات أقاربه خارج معسكر تجنيدك وحتى لو دفع لك الظابط بعض النقود القليلة لكي يسترضيك، لكن هل خدمتك للظابط هي خدمة للوطن أم خدمة لباشاوات الداخلية، لو كنت نجار هيكلفك تعمل شغل له ولعائلته خارج المعسكر ولو كنت مزارع هيخرجك ويستعبدك في مزرعته طول مدة خدمتك ولو كنت منجد هيشغلك لحسابه ولحساب عائلته بره وحدتك
بزمتكم يا أعزائي الجنود دي تعتبر خدمة للوطن ولا إستعباد لأفراد المواطنين البسطاء الفقراء اللي مالهمش ضهر زيكم، العسكري اللي عنده واسطة هل سيجلس يوم واحد في الوحدة أم سيكون في أجازة مفتوحة إلى أن ينتهي تجنيده وترونه يوم أن يتسلم شهادته، بزمتك ده يبقا خدمة للوطن ولا ده يبقى الظلم بعينه والفساد بعينه والبجاحة بعينها، مهما كانت مهنتك فالظباط هيستغلوك هيستغلوك وهيشغلوك لحسابهم كما لو كنت عبد من العبيد ولن تتجرأ على الرفض وإلا كان مصيرك الضرب والإهانة والسجن، ورغم كل ما سبق وذكرته لك هل يعاملك الظباط معاملة جيدة أم يعاملونك معاملة سيئة ويسخرون من جهلك وفقرك وهذا ليس عيباً منك أو عيباً فيك لأن المسئول عن تعليمك هو الدولة وهذا الظابط الذي يسخر من جهلك هو الدولة، يعني الدولة قصرت معاك ولم تعلمك وكمان بتسخر منك بدل ما يعلموكم في المعسكرات ويثقفوكم، بدل ما يجيبولكم مدرسين ومفكرين وصحفيين يدوكم محاضرات لتوعيتكم وتفتيح عقولكم، لكن إزاي الظباط هيعلموك وهما عايزينك جاهل عشان يستغلوك زي ما هما عايزين ويستعبدوك زي ما هما عايزين
عمرك شفت ظابط إهتم بمشاعر العساكر المساكين ولا راعي ظروفهم ولا عاملهم بإحترام، عمرك شفت ظابط بيعامل العسكري على إنه إنسان ممكن يتألم ويشعر بالغضب وعلى إنه بني آدم زي الظابط مش عبد من العبيد، نظام الأجازات عندكم في المعسكرات هو الظلم بعينه وعشان تنزل أجازة لازم تنفذ كل أوامر الباشاوات وتسمع كلامهم وتعمل كل اللي يطلبوه منك ومع كل ده لو شكلك معجبش الباشا الظابط ممكن يعطل أجازتك وياويلك لو كنت من النوع اللي عنده كرامه ورفضت الإهانات بتاعت الظباط ولا رفضت إنهم يسخرو منك ويتريقو عليك لما بيكونو فايقين ورايقين ومفيش وراهم شغل وطالبا معاهم يتريقو على العبيد بتاعتهم اللي هما العساكر المساكين الجهلة البسطاء اللي زيك وزي غيرك من العساكر، لو رفضت هذه التريقة والسخرية يبقا إنسى إنك تاخد أجازة وبعد كده هيعاملوك زي ما تكون عدو للوطن مع العلم إن الإسرائيليين بيتعاملو في مصر معاملة كويسة جدا والحكومة بتحترمهم ونفس الظابط اللي هو الحكومة بيعاملك معاملة مهينة وبيشتمك بشتائم يعاقب عليها القانون ده لو كان بلدنا مصر فيها قانون من الأصل
نلخص الوضع عندك في المعسكر ونقول إن الاجازات قليلة جداً والتدريبات اللي بيدربوهالك متعبة جداً وغير إنسانية ونقول كمان إن الظباط بيعاملوك كما لو كنت صنم وبيعتبروك إنك عبد وأقل منهم في كل حاجة وأثناء التدريبات كانوا بيوقفوك 12 ساعة إنتباه زي الصنم دون أن يسمحوا لك بالتحرك أو بالذهاب إلى دورة المياة أظن مفيش إستعباد وإستهبال وإستعباط أكتر من كده، إتشتمت وإتهزأت وإتلعن سنسفيل جدودك وبصقوا وتفو في وجهك وطفو سجايرهم في جسدك وركبو فوق ظهرك عشان يقهروك ويكسروك ويستعبدوك، حقوقك ضايعة ولا تستطيع أن تطالب بأن يعاملوك كإنسان فهل وضعك ده وهل المعاملة دي وهل أنت بتخدم مصر ولا بتخدم الظباط اللي بيخدمو الحرامي حسني مبارك والحرامي جمال مبارك وباقي أفراد العصابة التي تحكم مصر
إنت أساساً يا عزيزي الجندي مواطن مصري زيك زي أي مواطن مصري والفقر اللي إنت وأبوك وأهلك عايشين فيه ده من نتيجة حكم عصابة مبارك، لما أبوك أو أخوك أو صاحبك يطلع في مظاهرة عشان يقول رأيه في مبارك وعصابته يبقا لازم تدافع عن أبوك وأخوك مش تضربهم وتمنعم من إنهم يطالبو بسقوط نظام مبارك وعصابته، الداخلية بتوزع العساكر في معسكراتها وبتبعد العسكري عن أهله وأقاربه، إنت من الشرقية هيجندوك في معسكر الغربية في طنطا وزميلك اللي من طنطا هيبعتوه معسكر في الزقازيق ولما تطلع مظاهرة زميلك هيضرب أبوك وأخوك وإنت هتضرب أبو زميلك وأخوه، يعني إنت بتضرب أهلك وبتضرب مواطنين طالعين يطالبو بحقوقك وبيطالبو بتغيير العصابة اللي فقرتنا وقهرتنا كلنا سواء جنود ولا باقي المواطنين اللي هما أهالي الجنود
طيب إيه العمل وإزاي تبطلو تنصرو العصابة والظباط على باقي الشعب، لازم تعرف وتتأكد إن من غيركم ومن غير العصاية اللي في إيديكم هيسقط مبارك وعصابته وهيفشلو في حكم مصر وهيفشلو في السيطرة على مصر، قدامكم طرق كتيرة جداً للإنتقام من الظباط اللي بيقهروكم وبيذلوكم وبيشتموكم وبيقرفوكم، ممكن تضربو عن الطعام وتحتجو على المعاملة السيئة، ممكن تضربو عن الطعام وتحتجو على الخروج لقمع المواطنين، ممكن تروحو لحد المظاهرة بس ترفضو تضربو الناس وترفضو تنفذوا الأوامر وطبعاً المتظاهرين هيشجعوكم وهيهتفو ليكم وهيشيلوكم فوق روسهم لأن إنتو كده كده منهم وعليهم إنما الظباط دول من العصابة، أو تقدروا ترفضوا النزول من العربيات اللي جابتكم لحد المظاهرة ، أو تقدروا ترفضو تطلعو من المعسكر وتتحججو بأي مرض مثلاً صداع أو دوخة أو هبوط مفاجئ وأنا مش هعلمكم إزاي تتخابثو وتتلائمو على ظباط العصابة أوممكن تتحججوا بإن عندكم إسهال من الأكل السئ وتقضو اليوم كله داخل دورات المياة بتاعت المعسكر، فيه مليون طريقة وطريقة عشان تتهربوا من تنفيذ أوامر عصابة مبارك، فيه مليون طريقة وطريقة للإعتراض والإضراب ومش معقول هيسجنوا المعسكر كله لو أضرب عن الطعام، صدقوني هما محتاجينكم جداً وصدقوني الظباط من غيركم زي الكلاب مالهومش قيمة إنتم اللي بتدوهم قيمة وانتو اللي بتعملولهم قيمة ولو بطلتو تطيعوهم هيبوسو رجليكم عشان تطيعوهم لكن إوعو تضعفوا خلينا نثبت شوية ونسترجل شوية لحد ما نخلص من مبارك وعصابته، واليوم اللي هنخلص فيه من مبارك وعصابته هيبقا يوم عيد وفرحه لكل مواطن في مصر سواء كان جندي أمن مركزي ولا أمين شرطة ولا مخبر في المباحث ولا مدرس ولا تلميذ ولا مسلم ولا مسيحي واليوم ده مش هييجي غير لما تقرروا تنضمو لباقي الشعب وتتحدو وتبقو إيد واحدة وتقفو ضد مبارك وعصابته ومتنسوش أبداُ إن بعد العسر يسراً
حسام عامر

About حسام عامر

إسمي حسام السعيد محمد عامر كاتب ومفكر ثوري حر ويمكنك التعرف اكتر علي من هنا
«
Next
رسالة أحدث
»
Previous
رسالة أقدم

10 comments

  1. حضرتك مشكلة والله يا استاذ حسام كل يوم تتحفنا بموضوع انقح من التاني بجد اهنيك على مقال النهاردة تحفة وفي الصميم المفروض يتطبع ويتوزرع على معسكرات الامن المركزي

    ردحذف
  2. كما كان يقول الأخ الذي علق من قبل ونعتك بصفة فارس بني خيبان وأنا الآن أصبحت أتفق معه في إسباغ هذا اللقب عليك ومن كل قلبي أحييك على شجاعتك وعلى منهجك الثوري التحريضي وعلى محبنك لوطنك ورغبتك في تخليصه من الفساد والمفسدين

    ردحذف
  3. واضح جدا ان نفسك تتشهر ومصدعنا بكلامك التافة

    ردحذف
  4. انت بتكلم مين ياسيد

    واضح انك فعلا متعرفش عسكرى الامن المركزى

    خسارة الوقت اللى تعبت نفسك فى كتابه البوست دة فيه بجد

    ردحذف
  5. غير معرف الاولاني
    شكرا على إطرائك وتقبل تحيتي ومودتي

    ردحذف
  6. غير معرف التاني
    برضه شكراً على إطرائك بس لا أنا فارس ولا نيلة إنما أنا إبن إمرأة من المنصورة كانت تشتري العيش فرط وتقبل تحيتي ومودتي

    ردحذف
  7. غير معرف التالت
    مش عارف أرد عليك أقولك إيه
    يمكن غاوي أشتهر لما دلاديل مبارك يعتقلوني ويموتوني في السر ولا من شاف ولا من درى
    تفتكر دي طريقة للشهرة
    ما علينا إبقا تعالى كل يوم وهات معاك كل الحبايب

    ردحذف
  8. أحمد سعيد
    أنا بعمل اللي عليا يا أحمد وأهو يبقا الواحد خلص ضميره وعمل اللي يرضي ربنا لما يسألني عن ذكائي فيما أهدرته وعن عقلي فيما ضيعته
    تقبل تحيتي ومودتي

    ردحذف
  9. نورا حوادث
    لا مفيش خناق ولا حاجة يا نورا ده مجرد خلاف بسيط في وجهات النظر سوف يودي كالمعتاد لمصرع المئات وإصابة الآلاف بجراح خطيرة

    ردحذف