الإعدام رمياً بالجزم

الراجل اللي بيزعم انه عقيد في امن الدولة ماحرمش من البستفة اللي بستفتهاله في المقال اللي فات وبعتلي ايميل بيقوللي فيه ان حزب الله هو اللي بيعادينا من غير ما نعاديه طب أرد عليه أقول له إيه ؟ ده باينه مش ناوي يسترجل، بقوللك ايه يا مان انت عندك دليل على ان حزب الله وإيران بيعادونا قبل ما نعاديهم، ياريت تقول لنا الدليل ده عشان نكره معاك الشيعة وحزب الله وبلاش حكاية الإتهامات المرسلة دي خليك عقلاني شوية وبلاش تستخف بعقول الناس، بلاش اتهامات مرسلة هات دليل عقلي وانا هصدقك وأمشي وراك وأهاجم حزب الله والإيرانيين، بس عاوز أسألك سؤال رفيع أصل أنا غاوي أسئلة رفيعة، حزب الله ده مش اللي بيعادي اسرائيل وبيجر شكلها كل شوية عشان يخفف من ضغطهم وعدوانهم على الفلسطينيين، طيب امتى رمانا بصواريخ كاتيوشا ولا نفذ انفجار سيارة مفخخة بين المصريين، تفتكر الإدعاءات اللي بيروج ليها كتاب أمن الدولة ومنظريهم من المتصهينين ممكن تخيل على أي بني آدم عنده ذرة عقل، ما أعتقدش يا حبيب قلبي، لو بتعتبر ان ايران وحزب الله أعدائنا لمجرد انهم مقاومين للدولة الصهيونية أو لمجرد دعمهم للمقاومة الفلسطينية يبقا لازم تقول لنا بصراحه ان مصر وإسرائيل في خندق واحد ضد الشيعة والايرانيين وحزب الله وحماس والفلسطينيين، خلي عندك الجرأة وقل لنا الحقيقة المرة ان نظامك السياسي مكلف بالدفاع عن دولة إسرائيل بكل الطرق وأن نظامك السياسي مكلف بالحفاظ على أمن الإسرائليين بكل الطرق، وإن نظامك السياسي لا يتورع عن قتل وتعذيب كل أفراد شعبه وقمعهم وسحق الإرادة الشعبية الرافضة للدوران في فلك التبعية والعمالة للكيان الصهيوني العنصري المسمى بإسرائيل، وانا وكل مواطن حر وشريف هنحاول برضه فضح هذا النظام العميل وأذنابه بكل الطرق والكباري، شفت أنا فاهم حديثك إزاي ، شفت أنا قاريك إزاي وفاهمك أكتر من نفسك إزاي، ياريت بقا تفهمني زي ما فهمتك ياريت تتبع الحق وتنتبه للمؤامرة القذرة اللي بيتم تكليفك بيها وإنت مش داري، ياريت تكون حريص على مصلحة بلدك مصر وعلى مصلحة العرب وعلى مصلحة فلسطين وسيبك من التخندق خلف الصهاينة والاسرائيليين، وبيقوللي كمان في رسالته ان المستشارة نهي الزيني أحسن من ندا، غريب قوي ان الكلام ده يطلع من بق واحد بيدعي انه ظابط في أمن الدولة، للدرجة دي بيكرهوا الشيعة عشان كده اضطروا يعترفو بشجاعة نهى الزيني، ولو ان المواقف المشرفة لا يمكن مقارنتها ببعضها البعض لكن فيه فرق كبير بين موقف المستشارة اللي بتمنى ان كل المصريين يعملو زيها ويفضحو التزوير والفساد وبين موقف فتاة خرجت للتعبير عن رأيها وتطالب بالحرية وهو تصرف يختلف تماماً عن تصرف المستشارة نهى الزيني بل إن ما حدث لها اكبر بكثير مما حدث للمستشارة نهي الزيني، يا حضرتك الصول النبتشي الشابة ندا قتلت رميا بالرصاص فاهم يعني ايه رميا بالرصاص لو مش فاهم خلي حد من زمايلك يضرب خمس طلقات في صدرك ووشك وانت هتعرف يعني رمياً بالرصاص ربنا يورينا فيكو يوم لما الشعب المصري يشكل محكمة شعبية ويحاكم كل العصابة المفترية ويصدر عليكم كلكم حكم بالإعدام رمياً بالجزم يا بولغ
حسام السعيد عامر

Share شارك المقال مع أصدقائك :

هناك 10 تعليقات:

  1. ازيك يا صاحب الشلوت
    اول زياره لمدونتك
    بس حبيت اكون اول تعليق وبعدين اقرأ على مهلى وارجع للتعليق تانى

    ردحذف
  2. يا حسام ازيك
    انت مش ناوى تجيبها البر ولا ايه
    اما من ناحية المستشاره نهى الزينى فانها نموذج للمصرى الوطنى الذى يعشق وطنه مهما كلفه ذلك من تضحيات
    واما مخبر قمل الدوله ... ما ليش دعوه بيه ربنا ياخده وياخد اللى مشغلينه وابو اللى مشغلينه .. وبرضه ما ليش دعوه
    العباره باينه وواضحه زى الشمس وعايز اقول ازاى ايران وحزب الله يكونوا اعداء لمصر ... دا فى خيالهم المريض فقط اما الشعب المصرى عارف من عدوه من صديقه والمشكله ان اكبر اعدائنا مننننننا وليست ايران وليس حزب الله
    تحياتى

    ردحذف
  3. فعلا يا فشكووول أتفق معك في أن خيالهم المريض العميل هو اللي خلاهم يتحالفو مع إسرائيل ضد حزب الله وحماس وإيران
    شرفتني زيارتك للمدونة

    ردحذف
  4. استاذ حسام عامر لم اقرا من قبل ولا اظنني ساقرا يوما لاحد اجرأ منك قل لي يا سيدي كيف صرت بهذه القوة قل لي كيف صرت بهذه الشجاعة في زمن الجبناء حقاً اني اتعجب هل في هذا الزمان مازال يوجد رجال لا يخشون في الحق لومة لائم أنا مصدومة فعلا هل يوجد بزماننا هذا رجلا لا يخاف من السلطة و لايخاف من قول الحق سأعالج صدمتي وأعود ثانيا لاستمتع بكتاباتك القوية

    ردحذف
  5. أستاذ حسام :أول زياره لى لمدونتك شعرت بأننى زرتها مرات ومرات وهذا معناه أننى وجدت فيها ضالتى ،وجدت شجاعه وقوه ورجوله وقول كلمة حق عند سلطان جائر جزاكم الله خيرا وحفظكم الله من كل سوء

    ردحذف
  6. في الحقيقة أخي هم مخطئون من رأيي ألا نقف في خندق الصهاينة ولا ينبغي أن ننتظر من دولة عنصرية مخرفة العون ولا من حزب يتلاعب وفق مصالحه ومصالحها لإقامة مشروعه العنصري الذي لا يخفى إلا على البله والجهال. الصواب أن نبتعد عن هؤلاء وهؤلاء نحمي أنفسنا وإخواننا بأنفسنا فلا يحك جلدك مثل ظفرك ولا يفل الحديد إلا الحديد فلا خير في الوقوف مع الأمريكان والصهاينة ولا خير في الوقوف أو الإعجاب في الشيعة وأذنابهم ألبتة يجب أن نستعيد كرامتنا وتكون لنا شخصيتنا لنكون في المقدمة لا في الساقة يتبعنا الناس ولا نتبعهم شكرا لك على بوستك الجيد وأحسدك على شجاعتك وجرأتك

    ردحذف
  7. أحلام جوليا
    أسعدتني جداً كلماتك والحقيقة الحكاية مش جرأة ولا حاجة الحكاية اني بستمد شجاعتي من فسادهم وحقارتهم وظلمهم وعشان أنا عارف ومتأكد انهم أحقر من أحقر نشال وأتفه من أتفه بلجي جاهل .. وعشان كده لازم نبتدي نتعلم نواجههم ولازم كلنا نغير من موروثنا الشعبي المصري بتاع الأمثال المحبطة زي المية ماتجريش في العالي والعين ما تعلاش على الحاجب
    الحقيقة لازم كلنا نعرف إن الشجاع هيموت مرة واحدة بس .. في حين ان الجبان بيعيش ميت في جلدة وبيموت في اليوم ميت مرة
    أنا مقتنع جداً جدا بقول الله في كتابه الكريم "قل لن يصيبنا إلا ما كتب الله لنا"
    ومقتنع تماماً بقول الرسول "وَاعْلَمْ أَنَّ الاُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلا بِشَيْءٍ قَدْ كَتَبَهُ اللَّهُ لَكَ
    وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلا بِشَيْءٍ قَدْ كَتَبَهُ اللَّهُ عَلَيْكَ
    رُفِعَتْ الاَقْلامُ وَجَفَّتْ الصُّحُفُ"
    ويعجبني جدا قول خالد ابن الوليد "ألا نامت أعين الجبناء"
    أسعدني جداً تشريفك لمدونتي
    تقبلي تحياتي

    ردحذف
  8. بستان الحب شكراً لتكرمك بالتعقيب وجزاكي الله خيراً على الدعاء وتقبلي تحياتي

    ردحذف
  9. moeedkahyan
    أتفق معك في كل ما قلته وأتمنى أن يحدث هذا في أقرب وقت
    شكراً على تشريفك لمدونتي

    ردحذف

أرشيف المدونة الإلكترونية

Recent Posts

سينما

مشاركة مميزة

من الذي اغتال الرئيس محمد انور السادات؟، هل نظرية المؤامرة حقيقة؟

من الذي اغتال الرئيس محمد انور السادات؟  هل نظرية المؤامرة حقيقة؟ سؤال ربما لم يخطر على بال أغلب المصريين، لأن كلنا نعلم ان من قتل السادات ه...